In the second story, you get to see one animal, Goat, learn from the foolish mistakes made by Horse, so that in the end of the second story, Anansi is again outwitted!
[Notes by LKG]
This story is part of the Jamaican Stories unit. Story source: Jamaica Anansi Stories by Martha Warren Beckwith (1924).
He get up on one cave roadside, go working ground. Cow a pass, go see him. Anansi say, "Des a try a work one groun' heah."
So when Cow go long, pass him, Cow say, "Chuh! man fool! man kyan't work groun' 'pon rock-stone!"
As Cow say so, Cow tumble down dead. Den Anansi go pick him up, go eat.
Hog came. Hog ax him say, "A wha' yo' a doin' heah?"
"A try a work a groun'."
Hog pass him."Chuh! man kyan't look upon rock-stone an' say me work groun'!"
As Hog say so, him drop dead. Anansi pick him up, go eat.
Guinea-chick say, "I will go deh!" Guinea-chick put on him clo'es same as a go market.
So when he come an' see Anansi upon de stone a dig, tie him head wid a check handkerchief--dat are Guinea-chick--an' pass Anansi, no 'peak to him.
Dat time him go long Anansi say, "Dat dar fool!" Den Anansi drop dead.
Jack man dory!
Horse and Anansi
Den Anansi said, "Brar Horse, we hungry now, we don' have no fire fe roast plantain." So say to Horse, "Go see fire quite yonder? Go deh, go tak fire come, mak we roast plantain!"
Horse fling up him tail on back, gallop, gone.
Meanwhile him gone, Anansi 'trike him tinder-box an buil' a fire roast every plantain; eat all de plantain, leave only four.
Horse gallop away an' kyan' ketch de fire an' turn back.
Anansi say, "Brar Horse, when you gone, one man pass heah, gi' me fire an' me roast de plantain; as me roas'ee done, one man come beat me an' tak away de plantain on'y lef' dem four heah gi' me!"
So Brar Horse say, "Never min'! you tak two, me tak two." So Horse takee.
Dat time Brar Goat go bush kneel down watch Brar Anansi, watch what take place; so de nex' day, Goat say him will go wid Anansi.
Dem two go, dem two cut plantain, an' dem come out 'pon de open an' dem play.
So Anansi said, "Brar Goat, we hungry now an' we ha' no fire. See fire quite yonder? gallop go get fire an' come."
Goat gallop, go roun' clump of bush, go kneel down on knee go watch him. Him 'trike him tinder-box mak a fire, peel ev'ry plantain put a fire. When de plantain roast, he 'crape ev'ry bit.
As him 'crapee, Goat get up a come. Goat cut 'tick an' him jump one side so him put circle roun' de fire-side, an' say to Anansi, "Put you han' in now, sah!" an' jump de odder side an' put circle again.
So den Anansi begin to beg, an' Goat tak away eberyt'ing, didn't gib him one!
Jack man dory!